Ye toh maano, yun hua

by Rakesh Leel

Ye toh maano, yun hua, ki zindagi ik train ka safar ban baithi,
Palke jhapki nahi ki zindagi chal baithi.

Ismein kabhi tezz, toh kabhi dheere daudna hain,
suraj ki roshni, aur tunnel ka andhera, dono paar karna hain,
ismei chahe jaisa samay aaye, safar ka mazaa lena hain.
Kabhi seedhi, kabhi tedi, toh kabhi 'kooh-kooh' ye kehti,
kabhi pahaadon ki unchayi, toh kabhi nadiyan iske neeche behti.

Ye toh maano, yun hua, ki zindagi ik train ka safar ban baithi,
Palke jhapki nahi ki zindagi chal baithi.

Ye jo tum muskura rahe ho,
khidki ke pass baithe mehek rahe ho,
Pata bhi hai kitni duur jana hain ?
Maine kaha, 'Zubaan pe gaana, isiliye toh gun-guna na hain'.

Aasman mein saare baadal hogaye kaale,
baarish hotey hi khidki ki seat, uske maalik ke hawale.
Tabhi ek aadmi aaya kapde pehne safeed aur kaale.
Mujhse kaha, 'kya aap hi ka naam, Irrfan / Rishi hain ?'
'Aapki ticket yahi tak ki thi, aapka safar yahi khatam hota hain'.

Ye toh maano, yun hua, ki zindagi ik train ka safar ban baithi,
Palke jhapki nahi ki zindagi chal baithi.


© 2020 Rakesh Leel